Նախագծի անվանումը՝ «Բարեկենդան ծես»
Անցկացման ամսաթիվը՝ Փետրվարի ժամը 11։00
Մասնակիցներ՝ նախակրթարանի սաներ, դաստիարակներ, երաժշտության մասնագետ, ծնողներ, հյուրեր
Վայրը՝ Քոլեջ-պարտեզ
Նպատակը՝ ազգային մշակույթի յուրացում, տարածում և փոխանցում ծեսերի միջոցով:
Ընթացքը՝
«Բարեկենդան» կամ «բարիկենդան» բառը բաղկացած է «բարի» և «կենդան», «կենդանի», «կենդանություն» բառերից։ Տոնին մարդիկ միմյանց շնորհավորելիս մաղթում են բարի կենդանություն՝ ուրախություն և զվարճություն։ Հայերի մեջ Բարեկենդանը ամենասպասված ու ժողովրդական տոներից մեկն էր։ Տոնին պատրաստվում էին ընտանիքի բոլոր անդամները՝ առանց բացառության։ Մարդիկ զվարճանում էին, տրվում խրախճանքին ու պատրաստում ճոխ սեղաններ։ Բարեկենդանի հերոսներից էին ձեռնափայտին հենված ծերուկը, կուզիկ զոքանչը, հաստափոր ու ագահ տերտերը, նոզայը, փայտե ուղտը: Բարեկենդանին մարդիկ զվարճանում էին, երգում, պարում, գցում ճոխ սեղաններ, դիմակավորվում, կազմակերպում խաղեր և ներկայացումներ։ Գործածում էին հատկապես յուղալի ուտեստներ, մսեղեն և կաթնեղեն։
Բարեկենդանին փոքրերը մեծի հագուստ էին հագնում, տղաները` աղջկա, ոմանք ծաղրածու էին դառնում: Հաճախ մեկին թարս նստեցնում էին էշին, պոչը տալիս ձեռքը և ծաղրում.
-Ճամփա էշի պարոնին,
Անբեղն է գալիս, ճամփա տվեք:
Տոնն ավարտվում է Բուն Բարեկենդանով, որը նշվում է շաբաթապահքերի և Մեծ պահքի նախընթաց կիրակի օրը։
Բարեկենդանին երեխաները, դաստիարակն ու ծնողները պատրաստում են «ուղտ խաղացնելու» համար փայտի վրա ամրացված ուղտի գլուխ`«Բարեկենդանի» կարևոր խորհրդանիշերից մեկը: Կկազմակերպենք փոքրիկ խաղեր կերպարներին ծանոթանալու, նրանց առանձնահատկությունները ընկալելու և հասկանալու համար, որ ծեսի ժամանակ իրենց անելիքն իմանան, հասկանան: Գոմշակռիվ և աքլորակռիվ են խաղում։
Բացի դրանից պատրաստում են`
- երկու տիկնիկ`հարսի և փեսայի
- Բարեկենդանի տիկնիկներ՝ Ուտիս տատ, Ակլատիզ
- Զվարճալի լուսանկարների ցուցահանդես՝ դաստիարակների, սաների, ծնողների
- Համեղ կերակուրների բաղադրատոմսեր և պատրաստում
- Մանակախաղերի, ազգային խաղերի նկարահանումներ
Երգերի ցանկ՝
- Գնացեք, տեսեք
- Պուռմատիկին
- Էշ պատվական
- Ձիուկ
Ծիսական խաղեր
- Փայտե ձի
- Գոմշակռիվ
- Աքլորակռիվ
- Ուղտ խաղացնոցի
- Ճլորթի
Ամփոփումն՝ այստեղ: